வாழ்க்கைப்பாதை

-

  வாழ்க்கைப் பாதை

********************


காட்டுப் பாதை

மிருக உறுமல்கள்

அரவ சீறல்கள்

கண்ணயராது

கடந்து விட்டேன்


மலைப் பாதை

வழுக்கும் பாறை

சறுக்கும் சரளை 

கவனம் சிதறாது

ஏறி விட்டேன்


தண்ணீர் பாதை

புரளும் வெள்ளம்

புதையும் மணல்

எச்சரிக்கையோடு

தப்பி விட்டேன்


நந்தவன பாதை

கவரும் மலர்கள்

கமழும் வாசம்

கிறக்கத்தோடு

இடறி விழுந்து 

விட்டேன்

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

-
 ராசி. ****** மொட்டை மாடி சுவற்றின் வெடிப்பில் ஒரு ஆலமரம் தானாக வளருது குழி வெட்டி உரம் போட்டு விதைத்த விதை தலையை காட்ட மறுக்குது வேண்டாத வழி தடத்து  பேருந்துகள் வரிசையாக  வந்து நின்று போகுது காலோடிய காக்க வைத்து வாராது வந்த பேருந்து நிற்காது கடந்து போகுது தேநீர் கடையில் வாங்கி  கைத்தவற விட்ட வடையை தின்ற நாய் வாலை ஆட்டுது ஏழரைக்கு வச்ச சோற்றை ஏளனமாக பார்த்த காக்கா அடுத்த வீட்டு சோற்றுக்கு ஆளா பறக்குது. கூடையில கொய்யாப்பழம்  தினமும் கொண்டு வரும்  கிழவி அதில் முதல் பழத்த  என்னிடத்தில் விற்குது முதல் போணி நான் செய்தால் அமோக வியாபாரம் ஆகுமென  அந்த கிழவி மட்டும் நம்புது (விஞ்ஞானி)
Read more »
-
:      ஒரு நொடியில். **************** காதருகே காற்றின் ஓசை அசையாதே என்ற நண்பனின் கண்களில் பயம் தெறித்தது அச்சத்துடன் அமர்ந்திருந்த  என் மீது விழுந்த நிழல் ஒன்று வேகமாய் நெருங்கி பின் சட சட வென விலகி போனது பறந்து போகும் பருந்தின் கால்களில் ஒரு நாகம் நெளிந்துக்கொண்டிருந்தது படபடப்பு அடங்காது நண்பன் அதிர்ச்சியில் மீளாது நான் தூரத்தில் புள்ளியாய் பருந்தும் பாம்பும். கவலையே படாத காடு ஒரு நொடியில் மரணம் தொட்டு விட்டு போய் விட்டது என்றான்  நண்பன்  போகவில்லை  இடம் மாறிவிட்டது என்றேன் நான். (விஞ்ஞானி)
Read more »
-
 :      மறப்பேனா. ************ கொட்டும் மழையில் தொப்பலாய் நனைந்து சொட்ட சொட்ட நிற்கும் தாத்தாவிடம் துண்டை நீட்டியபடி பாட்டி கேட்டாள் கொண்டு போன குடை எங்கே என்று. மறப்பேனா என பெருமையாக  சுட்டிக்காட்டினார் தாத்தா  வாசல் ஓரமாய் சாய்த்து வைத்திருந்த பிரிக்காத குடையை. (விஞ்ஞானி)
Read more »